Cada mes, propoñemos diferentes modalidades de fotografía ao longo de distintos entornos da cidade de Santiago de Compostela propicios para eles.
O nome dos e das fotógrafas que nos levarán serán anunciados próximamente.
Améndoa de Compostela
Fotografía analóxica
Contexto histórico: SIX-SXV.
A orixe da cidade de Compostela: o achado do sepulcro do apóstolo provoca que aquela zona arbolada e afastada, de súpeto reciba visitantes de tódalas partes do mundo. A transformación é profunda, non só física se non social. Nesta visita voltamos ao soporte fotosensible percorrendo o longo e ancho das prazas máis importantes de Compostela e as rúas aledañas.
📌 comprar ticket | Máis información
Rúa Nova e Rúa do Vilar
Fotografía arquitectónIca
Contexto histórico: Séculos XV-XVII
Segundo as distintas ordenanzas municipais que se foron redactando e aplicado ao longo do tempo, a morfoloxía da cidade vella foise variando ata se converter nun sinuoso trazado que non deixa a ninguén indiferente: pasadizos, arcos, símbolos... A ruta comeza na Rúa do Vilar, atravesando a Ruela de Entrerrúas. Enlazamos ca Rúa Nova onde seguiremos a liña de soportáis que dan á Rúa de Xelmírez. Alí tomamos a Rúa do Vilar e finalizamos na Praza do Toural.
📌 comprar ticket | Máis información
Parque da Alameda
Fotografía de natureza
Contexto histórico: Século XIX
Sendo o primeiro parque plantexado na cidade, representa unha época de grandes investimentos, en concordancia cos avances sociais que tiveron lugar a nivel mundial. Falamos de natureza, arquitectura e literatura. Percorreremos o parque atravesando o paseo central para admirar o palco e bancos, subiremos á carballeira de Santa Susana, achegarémonos ao paseo das Letras Galegas e avanzaremos cara a porta dos leóns para rematar coas Marías.
📌 comprar ticket | Máis información
Zona nova
Fotografía de rúa
Contexto histórico: SXX - Actualidade
A cidade quere ser moderna e vaise proxectando como tal. Cruzaremos as prazas máis significativas da zona nova co fin de crear composicións no contexto urbán: as cores, os contornos, as estruturas, as persoas... todo o que apareza de maneira fortuita e nos sirva de pretexto. Comezamos na Praza de Galicia, pasando pola Carreira do Conde e a Praza Roxa, facendo paradas en cada enclave.
📌 comprar ticket | Máis información